journal profile tagboard recommend

7 up、9 up、心up up，都是會講
(The So's-Files Version 4.0)

你敢買，我敢爆！ /11:57 上午

雖則話英超今年d戰果成日爆冷，但米堡呢隊波好野！打三場，爆足三場！今季唔講住！講返上季先！


上季先炒曼聯4-1，仲要係贏夠四蛋先放返一粒畀曼聯！而曼聯果一粒，就係曼聯響英超第1000球入波！曼聯係英超第一隊入足1000既球隊，入左呢粒之後，都唔知慶唔慶祝好了！


炒完曼聯，就可以輸畀兵工廠0:7！你會話：車！一兩場姐！狀態既野係有升有跌架啦！


係囉！當佢地要升返上黎，又可以炒車仔3:0！發燒！

到今季，仲癲！

一開季，打左20分鐘，就送左兩隻蛋畀新升班既雷丁！過多半粒鐘已經反輸返2:3！


第二場都台柱車仔，又好似上季咁爆冷，臨完場10分鐘連入兩粒，反勝2:1！


話明神經刀，你又點估到！？尋晚，輸返畀同級既老樸，仲要係好杰的咁輸！！吞左4蛋！

你話丫！呢d波你點敢買丫！唔好話買，估都唔敢估啦！黐線！

0 had their say | have yours?

夢 /12:16 下午

見Zero同阿傑都用呢個topic黎玩，我又想拎黎玩下！

夢，呢味野我都相信我日日都會發。好多時都會唔記得之前一晚發過乜夢 ，但第二日做某d野既時候，好奇怪的又會勾起返！但你想諗返多d咩！？基本上又唔會諗得到！

我同我老婆同居左都兩個幾月了，佢成日都話會發惡夢，但我發惡夢就真係好少好少，我d夢，唔係咸野，就係搞笑，最正經都係實理下理實中一d想做的野。記得我細個就已經咸夢，我都唔記得係幾歲！不過肯定係讀緊小學三年班以下！因為個夢只係好多女人唔著衫褲，冇做咩性愛場面，但我三年班只前根本唔識呢科，所以冇著衫褲已經好咸！而呢個咸夢，到家下都仲好深刻！

而笑既夢，我基本上晚晚都發！發笑夢如果現實中勾到的，的確畀到好多靈感我去搞屎棍！因為呢類笑夢，大多都係唔會邏輯的！例如我踢完個波，省中左人地個頭，人地個頭又變左個足球；但本身個足球有屎，所以佢個頭都有，仲要係永久性的(夢入面係咁覺得嘛！)！佢唔忿氣自己個頭變左足球，唔忿氣果個係一個有屎既足球！！所以佢搵個頭週圍去「揩」人！係！我就係呢d咁老土玩屎尿屁的人！呢個屎夢足以令我笑醒！

其實真係好多好深刻的笑夢！唔記得係上年定前年，有日發到2米02的捷克國腳真高拿(Jon Koller)黎左新和里，佢同肥波一隊，對我地係龍足球隊的人！我一個mark死左佢，不停咁頂贏佢！不停咁頂、頂、頂、頂！結果頂到佢喊，係真係喊左出黎！我又笑醒左！

你會話我，你條蘇剿，有冇咁多gag呀頂！我發覺近幾年，我有控制個夢既能力！一個夢發d乜、有乜角色，我都唔可以控制，但發落左就真係可以控制到個劇情！例如我發過對面幢樓有人跳樓，原本係幾驚的！但佢三十幾層咁跳落去，落到去佢竟然彈起身講：「Yeah!我快過你！」之後走左去！都係我心入面諗左呢個場面，而之後發生左！

當然惡夢唔會冇既！好多時會畀車撞，然後個人就會用腳一踢，踢到自己醒左！而除左呢個之外，惡夢真係好驚好深刻的，有三個：第一係一年班果陣，上堂教左個「捕」字，之後發夢搭lift，個顯示幾樓的板，全部都係寫住個「捕」字！小一的我嚇到醒左！第二個係前幾年發既，我響夢入面係貨櫃車司機，我響夢入面訓醒然後落車，架車竟然棟左響度！我仲同自己講：「無事架，發夢架姐！」但對於一個貨櫃車司機黎講，貨櫃車就係佢的命根，所以夢入面的我跪左響度喊！最後就有關d神怪野了，如果有關神怪野而又唔係搞笑，仲會驚的，我就係得呢個！我入到間廟入面，竟然全部香都倒轉插！你話驚唔驚！！我就好驚，又嚇到醒左！

好多人話夢有得解，我覺得如果下下都要解就好煩！訓著啦都，一日最relax既時間都要理咁多，好辛苦姐！笑下咪好囉！

0 had their say | have yours?

You are my Solskjaer!!!!!!! /2:46 下午


上場，等左兩年幾，再見到佢上場，已經感動萬分！
今朝，傷左兩年幾，入返第一球波！講真！眼有淚光！！！

You are my Solskjaer

You are my Solskjaer, my only Solskjaer,
You make me happy, when skies are grey,
Though Alan Shearer, was fucking dearer,
Oh please don't take my Solskjaer away!



你永遠都係我地心中既大英雄，就如天皇響日本、耶穌響教會一樣！
You are my Solskjaer!!!!!!!!!

0 had their say | have yours?

好書！ /6:40 下午


上網見到的！真係唔到你唔服！

2 had their say | have yours?

捉姦在床 /6:31 下午


仲唔畀我捉到你應一應？要搞咪返入房囉！

2 had their say | have yours?

等呀等呀等 /11:59 下午

見到你地真好！

等左三個月，英超終於開波，可以再睇最愛的曼聯踢真功夫！

等左九個月，終於可以見到眼疾痊愈既史高斯，響奧脫福跑黎跑去！

等左三年半，終於可以再見曼聯重上榜首！

等左三年幾，終於可以見到復患不斷既蘇斯克查踢返波！

唔知去到季尾可唔可以講，等左四年，終於再見到曼聯再捧起英超隻杯！

0 had their say | have yours?

第一次！ /6:19 下午

人總係對「第一次」呢樣野，有著一個情意結！男人鍾意搞處女(但我反而討厭！)，未拍過拖既女人又成日幻想初戀的美好！又係講緊「第一次」呢個term！今日同尋日骰仔有兩個「第一次」！我其實一定會記響心入面！但唔寫低記住，真係怕有一日會唔記得！今日骰仔第一次落街而肯行！不過唔記得帶手提電話，所以冇影低到！上次佢落左地之後好驚！幾乎唔敢行！我屋苑太多狗吠聲，嚇到佢想匿入車底！今日好左好多了！都生猛左好多！我知佢唔會好似佢家姐(奶咀)咁唔健康，心都安樂晒！

而尋日，我地...應該話我老婆同阿妹幫佢沖涼，亦係佢的第一次！呢個當然有相睇啦！

睇佢苦苦掙札既樣，都真係幾慘！但又真係幾過癮！

0 had their say | have yours?

大細執足球同樂日 /5:34 下午

今日新和里的確冇乜人，同班廢柴踢，真係完全地冇心情踢！反而睇屎人同佢細佬踢波就仲好笑！ 佢細佬不停咁畀佢小！小到都唔知點踢好！

「屌！唔係咁踢架！」

「屌！你用呢度踢丫嘛！」

「屌！你又用呢度！？」

「屌……」

睇到佢細佬不知所措個樣，真係戥佢可憐！


屎人：收皮傑，我小你下體呀！
細佬：小乜丫，你教我踢波先啦！我冇野做又想r屎忽啦！

0 had their say | have yours?

輕鐵通風系統 /11:12 下午

其實一向都好唔鍾意搭輕鐵，除左因為係我冇買飛唔超過十次而佢捉過我三次之外，我的確覺得呢部野根本係一部大型廢鐵！拖低晒其他交通工具既效率！更甚既係，屯門有太多年青人，年青人好動，鍾意打下波、踢下波，而呢部廢鐵就完全通唔到風，d臭氣困晒響入面！如果唔係想用爆張全月通，根本就唔會搭乜滯！我今日就見到個阿伯好慘！同大家分享一下！

阿伯：嘩！好x臭！不過我忍，我mic實個咀忍！

阿伯：呼...我頂唔蒲啦！！

0 had their say | have yours?

贏運 /11:48 下午

童哥篤到叉晒腰

其實打乜波都係，運氣的確係一個好重要好重要既因素！今日同童哥篤左三局，童哥黑到訓街！尤其第二局，不停draw咀！draw到自己都冇心機打，打到down晒！打到要棄權！所謂此消彼長，打起返我士氣！打到最後一盤要爭黑柴！我入左之後真係即時yeah左出黎！不過講真，今日佢冇運姐！我都仲差佢少少的！

2 had their say | have yours?

New England /11:08 下午

都真係諗左個Title好耐！因為今場真係太多焦點啦！對手係Euro04冠軍希臘；過去五年副手麥卡倫(Steve McClaren)坐正，今場係佢擔任英格蘭國家隊領隊一職後，首場賽事！事實上，佢上任後將英格蘭大刀闊斧咁去改革，令呢場普普通通既友誼波，變得好多論點！棄用世界杯後，辭去隊長一職既碧咸(David Beckham)，用謝老四(Steven Gerrard)踢右中場；夏格維斯(Owen Hargreaves)穿上過去十年都係由碧咸霸佔的7號波衫；而泰利則穿上過去五年都由碧咸擁用既隊長臂章…

唔只對手、球員、領隊係焦點，就連球場都係焦點。今場平平無奇的用上曼聯(Manchester United)主場奧脫福球場(Old Trafford)，但奇就係奇在呢個上年擴建後，可以坐76000人的球場，今日只有45864人入場，聞說係七年以來最低的。究竟係對手叫座刀低，抑或因為冇左碧咸、朗尼(Wayne Rooney)，甚至奧雲所致？呢個真係不得而知。

講返場波，上半場的確畀到人好新鮮的感覺！中間兩個唔係兩個特，只有林伯特(Frank Lampard)加夏格維斯。初步黎睇，的確真係有解決到雙特位置重疊的問題，但林伯除左入波之外，上半場真係有d隱隱地形，而夏格維斯真係表現得唔錯！不過我覺得變得最好的，就係用唐寧(Stewart Downing)同迪科爾(Jermain Defoe)兩隻快馬！講真，奧雲武功已廢，捧迪科爾上位一早就係理所當然，事情到今日先發生，其實係遲左好多！另外唐寧，其實一早都覺得用個正宗左腳仔打左翼，絕對係比用右腳為主的祖高爾(Joe Cole)好啦！至於後防，加利尼維爾(Gary Neville)、里奧費迪南(Rio Ferdinand)、泰利、艾殊利高爾( Ashley Cole)，我覺得其實可以起碼打多一屆世界杯，到時最老的加利，都係34歲，但後防球員黎講，唔算老丫！後防方面，亦唔需要再點變！

我覺得麥卡倫最要面對的問題，係解決謝四位置上既尷尬情況。夏林配絕對會比雙特好，所以我會建議讓夏林配繼續上陣，但謝四踢右翼，我覺得又唔係一個好既安排，正如阿倫史密夫(Alan Smith)響曼聯既情況一樣，踢防中唔係唔得，而係浪費左本身最好既才華囉！仲有碧咸其實可以入返隊踢呢個位置，甚至艾朗連濃( Aaron Lennon)、胡禮菲臘斯( Shaun Wright-Phillips)都可以踢！謝四呢個問題點搞？我覺得老麥要好好處理！

至於今場波淨炒歐洲盟主四粒，我覺得只可以講係格食格。希臘果家波，兩年前我真的迷上了！佢地的防守，的確係一種的藝術，一個走甩位，兩、三個補位，我覺得咁先係足球！但如今正值改朝換代、新舊交替期，實力已經大減！再講，希臘一路都係領隊睇完對手踢法，搵破綻再針對！今場老麥第一場領軍，邊度有路捉！所以英軍大勝一場，不足為奇！

對英格蘭既前途，我係覺得樂觀的，老麥係唔錯的領隊，夠硬、肯變，即管就睇下呢支New England過多幾場仲係唔係咁好吧！

---

是日金句：

「呢個解圍，係加利尼維爾累積到十幾年經驗而踢到出黎既！」
　 (- 大哥瑜呢場比賽，評論加利仔頂波出底線既意見。(嘩！精采！)

0 had their say | have yours?

攣生 /11:18 上午

呢排晚晚夜晚睇電視，終於知道d人話樣靚聲甜的泳兒係點！係咪聲甜就唔知，但唔覺樣靚！仲覺得有點兒覺得好煩！晚晚谷廣告！佢個樣就好似畀人打腫左塊面同個鼻咁！(咦！許願！？)不過講時講，仲似日本一個有38G的女優，叫和希結衣，即係右面呢位！睇睇下，竟然仲有d似飛機馬！

雖然呢幅唔係好似，但真人執屎，係幾似劉浩龍的！「仍好嗎？仲會每天失眠到天光嗎？」

李大導同龜頭，根本就係兩父子！

點少得我同迪贊巴！？

0 had their say | have yours?

龜頭血戰星期六 /12:32 下午

龜頭，今日你惡晒啦！

熟我既都知，星期六朝早一定會踢餐懵踢餐飽！不過屯門而家d球場，好興畀人book左！book既係一班唔夠人踢、怕輸、怕跟隊的小朋友！講真真係好慶的！一星期一次，你仲要搶左我個場！我地個個都一定會小場入面的人，但我地最多都小呀小呀小咁！唔通打佢地兩鎚咩！頂多咪踢個波省下班細路之嘛！因為我地咁做係唔會犯法，而踩場就好明顯係犯法！所以只可以咁做！但性格一向沉默，而沉默中亦見仆街既龜頭，唔聲唔聲，兜個玻璃樽掟落球場！成地玻璃碎，大家唔駛踢囉！龜頭，我冇得罪你架呵？

到有波踢果陣，有個金毛好鍾意用力踩實個波，已經好慶既龜頭，連波帶腳踢埋去！其實的確係一個幾粗野的犯規！係要腳的！龜頭，我真係冇得罪你架呵！？

之後夜晚，龜頭上黎我度鋤dee！！第一鋪就炒左雙！之後仲不停炒！鋤左短短三個幾鐘，又輸左兩百幾隻！龜頭，丫...唔係...係大佬！大佬！我真係唔係有心得罪你的！ 呢個週未，係你的！龜頭！

---

是日金句：
「大佬！！！」
　(- 執屎響龜頭爆樽後大聲而感情豐富的講！)

0 had their say | have yours?

我粒骰仔 /11:06 下午

呢隻骰仔，一係就訓，訓醒就玩，玩夠就食、食完就屙，仲要屙到大大大篤！佢一個字可以夠膽死屙足三篤！我真係寫個服字過佢！(2006/08/08 23:06:00)

0 had their say | have yours?

輕鐵巧遇Kevin Ko /6:46 下午

Econ補習界名Kevin Ko，都要搭輕鐵！？唔！慳d係好既！
(2006/08/08 18:46:50)

0 had their say | have yours?

新狗仔 /12:28 下午



今日娘親生日，但我都有份禮物畀自己！

登登登登....

就係佢啦！骰仔！

之後會有更多相畀大家睇！終於有件開心事了~

---

是日金句：
「咁你咪就係姑婆囉！」
　(- 我帶住老婆的姨甥仔去，我介紹係我個仔，我阿麻同我姑姐咁講)

0 had their say | have yours?

全年踢得最好的一日 /1:30 下午

今日終於有波踢，今日亦係全年踢得最好的一日！但因為執屎一個失
誤，漏左畀對面！就係呢個全場唯一畀對方既機會！我地攻足全場都
係要輸....最後又有人黎book場，又要走了....

雖然只係十幾分鐘，但真係返黎了！個感覺好好，真係返黎了！

0 had their say | have yours?

天有不測之風雲 /1:31 下午

上星期走得咁急，因為屋企有事！本來都好大件事，但後尾又睇落冇
事！上星期，一個堂叔，我見都未見過的，響鄉下投資起樓，點知就
起到一半「林」左落黎，個工人初初就話死左九成，但點知唔死得！
我就即刻同我阿叔上去睇下咩環境，初初就講要賠五十個，仲未計政
府追究責任。好彩又拎得出證據，唔係我堂叔畀少，而係判頭偷工減
料，雖然判頭走左佬，但起碼唔駛負上法律既責任。不過道義上，還
是要畀錢工人的家人，談判後，要賠五萬，加上醫療費用....而我，
上去係負責談判，不過要實談條蕉咩，我又唔懂國語，更加唔曉客家
話！不過大大少少既會，面對著不懂既言語，加上好似掛爐鴨咁熏法
既煙，真係真係好累！

就係咁，星期六就咁miss個踢波同夜晚既band show...加上上去的時
候，一直都好擔心童哥！因為呢條強壯哥又黎玩身體有問題！今次仲
係咁多次最大獲的一次！醫生話佢心瓣穿左個窿！咁就要等上星期五
驗完出報告！講真，真係好擔心呢個強壯哥的！不過好彩係醫生斷錯
症，驗完之後乜事都冇的！大佬，心瓣有個窿，大的要開刀，開既講
緊係個心！我真係好驚啦！記得星期四就當左星期五，先打去問童哥
有冇事，打返落去先知自己急得滯！之後星期五真係call爆佢機！到
夜晚終於搵到了！佢娘親同我講返佢老事，又真係放下心頭大石！

星期日，老婆個老母話叫我返佢鄉下，即係廈門，響福建的！咁佢家
姐就車我地一行七人返去！用左成七粒鐘車程上去！第一下既感覺，
係覺得呢個地方好整齊！起碼比深圳好d！

不過呢個地方真係好悶好悶好悶，悶到我發慌！同埋福建人，真係好
人如其名，係好「福建」(Fu*kin')的！那些所謂的長輩，只有自己
的意見，唔聽後輩講野，一味只係識話而家d後生！我F你丫！

響呢段悶到發慌的日子，只有睇書、玩波子棋、啤牌。夜晚的時間就
最無聊了！因為我係用朋友的身份上去，根本就唔可能同老婆一齊訓
！事實上，佢老母竟然唔畀老婆拍拖！我的天！夜晚的時間，一個人
訓，少不免會好多野諗，尤其呢排發生咁多事！當老婆響西藏返黎果
日，就已經發生好多事！就響佢返黎的一晚，奶咀就響佢懷中去世；
之後第二日，阿麻就入左院，再隔日，阿麻又多一次去；之後老婆又
要因為裝修，而將佢養左多年的貓貓遺棄；到上左大陸，佢前男友又
唔肯同佢分手，而打電話去搵佢家姐同朋友，煩到佢爆燈！而我家中
又有事，真係好煩！

不過多野諗，心情就會平靜，喊下叫下，心情又會舒服d！由煩燥變
為心理質素又高一點！不過生命，原來真係好化學，好似奶咀咁，無
啦啦開開刀，捱多一輪又遊埠了。好似個工人咁，起下屋又畀老細過
佢兩桐！好地地咁又幾乎玩完！但好似童哥咁，無啦啦又話無事了！
當然唔係話天無眼，而係想講，原來世界真係好多野，唔到你話事！
記得以前仲細(其實都只係講緊上年讀中七果陣)，我成日都講，呢個
世界，十件事我只有半件係掌握唔到！但而家睇多少少，唔係話睇多
好多，根本就唔係話咁簡單！呢兩星期發生咁多事，初初真係有種無
力感，但當慢慢諗，覺得應該做人要睇化d！不過我爭勝心仍然係咁
旺盛！希望星期六踢波可以見到！Come on!!!你要做的，是沒有可能
做唔到的！！！

今日冇是日金句，取而代之，係本週金句！同埋今次真係金句中的金
句黎的，聽完我都喊左出黎。

---

本週金句：
「養貓狗唔係真係玩玩下，最初你可能會覺得佢好得意而買佢返黎，但久而久之，佢就已經係你屋企既一份子，係不可分割....」

　(- 響車上睇李克勤演唱會，克勤講佢隻狗遊埠果陣講的，我未聽晒就忍唔住了...)

0 had their say | have yours?

all about you here.

4月 2005
7月 2006
8月 2006
9月 2006
10月 2006
11月 2006
12月 2006
1月 2007

ZERO NOTES
Footloose Ramble
博大霧球場
U-SOCCER 曼聯網
Beach bit bitch