journal profile tagboard recommend

7 up、9 up、心up up，都是會講
(The So's-Files Version 4.0)

我個仔半歲大了！ /9:09 上午

0 had their say | have yours?

............. /11:25 上午

不如意事太多，但不會倒下的！

革命，歷史人總對呢個詞彙有點竭斯底裡的膜拜！February, month of revolution!! 我，將是主角！

0 had their say | have yours?

神啊！請給我多一點時間！ /6:06 下午

由十二月到家下，忙到嘔！學校有野忙，家中有野忙，女友家中有野忙，自己買左NDS玩得好忙！點忙都好，趁呢個連到Blogger的時間，一定要同Lorraine小姐說聲多謝！多謝你咁靚的聖誕卡！多謝！多謝！

好多野想寫，包你睇完覺得驚天地(你又估下咩事囉)！但真係有時間再寫！今日努力埋個Finance Project先！！

0 had their say | have yours?

！？ /9:30 上午

2 had their say | have yours?

Version 4! /9:11 下午

	我諗左面呢幅圖，已經唔係有好多人睇過了，呢個係「The So's-Files」即係「蘇檔案」的Version 1.0。用左鬼異feel黎做網頁的主題，個網叫呢個名，都因為個鬼異格局而有靈感的！不過同X-Files唔係既係，成個網除左個外表之外，一d鬼怪野都冇的！記得蘇檔案的第一個版本，係2002年的6月22日，即係2002年世界杯英格蘭出局的一日！
因為好多人投訴話鬼異feel濃的Ver. 1.0太過黑，有點睇壞眼，所以我就響2004年的新年期間，推出左呢個Ver. 2.0！呢個Ver 2.0，雖然用返「The So's-Files」呢個扮「X-Files」 的名，但主題就變晒！由鬼異feel重的主題，變左遊樂場為主題！事實上，我都鍾意呢個多d！內容獲得更新之外，亦加左一part到我而家都仲好鍾意的一part，就是「我的歌」。呢一part就係用流行歌詞做本，再自己寫d小品。當然，有時自己睇返都唔知自己嗡乜春的！而Ver 2.0由05年底到06年年中，由於搵唔到Server放個網，呢段時間都只係有日記係大家睇到的！係一隻跛腳蟹！
	06年8月，我決定都係執左個網去！用Blog好過！我唔鍾意xanga，因為個個都係xanga，我係唔鍾意！仲有又改唔到post的日期，所以唔用！初初我揀了Yahoo! Blog，但發覺可塑性太低，太多限制，整極都整唔靚，所以轉！於是用Blogspot！其實呢個版面我幾鍾意，有點舒服，又有點浪漫，仲有點咸濕！點會唔鍾意！ 至於個中文名，由「蘇檔案」轉為「So 9嗡」(咁都叫中文!?)因為形式都唔同了！以前確確實實的有「File」，家下真係得個「嗡」字！講真，我自己就覺得好貼題！

到今日，Version 4.0終於出場，我覺得係「蘇檔案」+「So 9 嗡」！ 主題就係「檔案」，內容嘛？就齋嗡！又有新歡，又有舊愛！呢個配搭，正！

1 had their say | have yours?

蝦．Go! /9:18 下午


一年一度的港專籃球比賽，又再黎過！上年的蝦片，今年改頭換面，冇左「熱血籃板王」Wilson，同手腦不協調的高佬，卻換來了更實用的阿Nic、阿乃，都係籃底下幫我手的好拍檔！

其實本身的確好唔想參加，因為知自己脾性，一落場，就唔想想輸！就係呢樣所以唔想參加，首先覺得唔會贏，參黎做乜！第二就係覺得，我真係會好易傷，因為我係打專做「Dirty Job」的人，即係所有要撞要搶的，都有我份！所以我落場係一定會有傷，不過都有分外傷定內傷的！但點都好，都唔想傷，因為唔想搞到之後踢唔到我真係想玩的港專足球賽！

雖然係咁，但落到場始終都收唔到火，好盡力的打了兩場比賽！我覺得自己今日係打得好好的，尤其係第一場！我地將籃底封死晒，可惜人地就係三分隊，籃底係紙造的！但外線就強到不得了！我地隊型係得兩個守外線，人地就棟成四兜友響外面，射到插插聲咁！咁真係冇計！而阿Ben又唔識打，所以個個都強攻佢！我打第二節先出去，果陣已經輸到4-20！而打到最後，我地輸了9分！

而我地呢隻杯分9隊分三組進行分組賽，每組第一名直接入四強，另外再加最佳第二名！而我地另一隊對手比較弱(打波果陣我講左d難聽說話，但我覺得出口術係打波必有的一部份，各為其主，Sorry!!)，所以都仲有希望！

A、B組打完晒咁多場之後，A組第二名係+20分，B係0，而我地未打前，就係-9，所以要30分先出得！

但唔知邊條友計，話29分就穩出！而場波既最後2秒，我地贏緊28分，我以為同A組打和，只要多一分就夠的了！而兩場都冇射過波的我竟然響對方籃底執左個波！仲搏到Foul!咁唯有上罰球線射罰球！我同自己講，入一球得架啦！一球夠架啦！一球出線架啦！結果第一球真係入左！而第二球，我就炒左！但波彈返去我果度，我再補射，又炒！呢個時候，亦都完場啦！我仲好開心的跑去攬住阿Nic，但之後傳來的消息，係話差一分！

的確，心情好down，down到返屋企！覺得最後果個罰球入左又好，最後補射入又好，都出左線啦！點解最後都係射唔入？

下年再黎啦！蝦．Go!!

0 had their say | have yours?

The Nevilles /4:38 下午


記得小學時，英文名還是叫「Ray」。但我覺得升中學，就唔得用一個咁多人又咁簡單的英文名，於是搵呀搵，有諗過去「Giggs」，但又唔肯定點讀；有諗過叫「Keane」，但又唔鍾意係單音，拼埋個名度唔好聽；有諗過叫「Owen」(幾乎做左YSB)，但又驚畀人串，最後都冇用過！

正當我響高楷牛津字典搵呀搵的時候，突然聽到電視，講波佬講左一聲「加利仔」。呢個時候先醒起，係喎！叫Neville！

但一開始，—真係連個名都唔知點讀，所以返學就問個鬼佬阿sir點讀，結果一用就用到今日，到今日，我仍然係尼維爾家族的人！

2006年11月29日，Nevilles改寫了歷史，英超首次有兩兄弟分別係自己隊隊長的情況下對賽(後尾先知，原來係英格蘭頂級聯賽成立左百幾年以黎的第一次)！大佬加利(Gary Neville)的曼聯對細佬菲臘(Phil Neville)帶領的愛華頓。結果當然係正常的大食細！3-0，曼聯輕鬆的又過一關！但唔好理點樣，呢個日子，值得我地Nevilles紀念！

0 had their say | have yours?

Jim Sir,You're still the BEST !!! /11:59 下午

莎士髀罅．詹同一班小交樂團
相隔兩個月，再見Jim Sir。今日同兩個月前，卻係完全唔同的表演！今次，佢再唔係單人匹馬，而係Crossover埋葉詠詩同佢一班的香港小交樂團。

Cartoon Jim Sir，幾過癮！

9月時睇《萬世歌王》時，已經好想睇下呢套棟篤交響show，我好想知道Jim Sir同小交樂團合作，會唔會爆粗；同埋又想睇兩樣完全唔同既野，點樣溝埋一齊！正如一舊臭豆腐，點溝埋支紅酒入面！

而結果，真係好成功！葉詠詩響Jim Sir的配襯下，畀人既感覺唔止係嚴肅的音樂家，而亦有搞笑的一面；而Jir Sir的形體動作，響音樂襯托下，黎得更有動感！

今日雖然我係為Jim Sir而黎的，但我覺得今日抵睇的，反而唔係Jim Sir！而係一班的小交樂團！我應該呢世仔係第二次睇交響樂。第一次我記得係響中四、五時，上音樂堂要我地交功課，功課就係去睇一場交響樂，要交埋飛做證據，如果拎到d樂團人圓簽名，將會更高分咁(咁都得！...)。但係我果次去就冇戴眼鏡去，因為岩岩打爛左副眼鏡。而乜都矇查查咁，最後都係訓著左！

今次有戴眼罩了，睇到d弦樂(大、小提琴等)起弓、拉弓既動作，好似步操咁一致；彈豎琴的姿態優美...原來唔止係聽覺享受咁簡單，視覺都係一個享受！可惜女友唔懂欣賞，覺得好悶，只愛老詹的搞笑...

而在場有好多小朋友，響Jim Sir帶領下都好開心！歡笑的一夜！收獲甚豐！

而比起藝術學院、演藝學院，最大既唔同係，場景真係靚好多！最後呢下放紙碎，正！

0 had their say | have yours?

一壽司 /9:56 下午

2 had their say | have yours?

Eason讓路！ /12:01 下午

0 had their say | have yours?

all about you here.

4月 2005
7月 2006
8月 2006
9月 2006
10月 2006
11月 2006
12月 2006
1月 2007

ZERO NOTES
Footloose Ramble
博大霧球場
U-SOCCER 曼聯網
Beach bit bitch